காய்கறிகள் காலத்தில் வேக ! கனிவான
நேரத்தில் காண்கின்ற காட்சிகள் கார்போல்
கவிதையாய் வந்தன காண் !
======================================
மலையான வாழ்வில் மனத்தின் நிழல்போல்
நிலையாத நீராய் நினைவிலே ஓடும் !
விலையான பொருளுக்கு வேர்போல் ஆகும் !
கலையாத காலைப் பொழுது !
==============================================
சொல்லாத சொல்லுக்கு நீதுணை ! ஏனடி ?
கல்லாக நின்றாய் ! கனிவாய்நான் பேசும்
முன்பாக ! கன்றுகள் கண்போல் உனையே
அன்பாகப் பார்த்த கால் !
====================================================
மனதுக்குள் மாய்கின்ற மானே ! முளைத்த
விதைதானே மேலும் கிளைத்தது ! ஏனோ
படர்ந்ததோர் பந்தலாய் பாய்விரிய சேய்கள்
மனம்பார்க்க பூத்தது ஏன் ?
=========================================
பாட்டெழுதும் நேரமா இங்கே ! பரிதவிக்கும்
கூட்டுக் குருவிகள் கூடியொன்றாய் ஆடி
மகிழ அழகான மேடை எதுவெனவே
தேடுவதைக் காண்மகளே காண் !
=================================
செல்வி ஷங்கர்
12 comments:
படித்துத் தான் பாருங்களேன்
வெண்பா எனக்கண்டு ஓடோடி வந்திட
நண்பரின் வெண்பா நயமே - இன்புறவே
இத்தனை வெண்பா எழுதிய உங்களின்
வித்தைகள் காண வியப்பு!
இப்னு ஹம்துன்
வெண்பா எனக்கேட்டதும், ஒண்பா ஆயிற்றே ! எப்படி நடைமுறையில் ?
என்று நினைத்தேன். எழுத்துகள் சொல்லாக, சொல் பா வடிவம் பெற்றது. சுவைக்குமா சுவைக்காதா எனத் தெரியவில்லை. அதனால் பார்வையாளரை அழைத்தேன். வருகைக்கு நன்றி
வெண்பாவிற்கு பதில் வெண்பா - பாராட்டுகள்
முதல் வெண்பா மிகவும் அழகாகவும் அருமையாகவும் உள்ளது. பின்வரும் வெண்பாக்கள் சில இடங்களில் பொருட்சிதைவுள்ளதைப்போல் உணர்கிறேன். (இது என்கருத்து)
தளை சிதையாமல் எழுதப்பழகுமாறு வேண்டுகிறேன். வாழ்த்துகள்.
இப்னு! புணர்ச்சி விகுதியை நன்கு கவனிக்கவும். தளைதட்டுகிறது. "வெண்பா எனக்கண்டு + ஓடோடி வந்திட" = "வெண்பா எனக்கண் டோடோடி வந்திட" எனப்புணர்ந்துத் தளைதட்டுவதைக் கவனிக்கவும்.
// செல்விஷங்கர் said...
படித்துத் தான் பாருங்களேன்//
**
அருவியெனக் கொட்டியும் ஆறாகவும் ஓடி
தருமின்பம் தரும்நிதம்வெண் பா
**
வெண்பாவில் நற்கவிதை நாள்தோறும் கேட்டிட
தண்சோலை நற்சுகம் தான்!
**
அகரம் அமுதா - வருகைக்கும் கருத்துக்கும் நன்றி.
ஜீவ்ஸ்,
வருகைக்கும் கருத்துக்கும் நன்றி - குறள் வெண்பா அருமை. அகரம் அமுதா தளைகளைக் கவனிக்கட்டும்.
//அருவியெனக் கொட்டியும் ஆறாகவும்* ஓடி
தருமின்பம் *தரும்நிதம்வெண் பா //
தலையிலே நல்லா தட்டிடுச்சு.
அப்புறமா சரி பண்றேன். தவறுக்கு மன்னிச்சுக்கோங்க ( :(( )
//இத்தனை வெண்பா எழுதிய உங்களின்
வித்தைகள் காண வியப்பு!
//
மறுக்கா சொல்லேய்ய்ய்ய்ய்ய்ய்ய்ய்ய்ய்! :)
ஜீவ்ஸ்
தளை தட்டுவது இயல்பு. ஆனால் இலக்கணம் நம்மை நிலையாய் நிறுத்தி விடும். சொல்லிருந்தால் பொருளில்லை - பொருளிருந்தால் யாப்பில்லை என்கிற போது இலக்கணம் இனிக்க மறுக்கிறது.
தவறுகள் சுட்டப்படும் போது திருத்த ஒரு வாய்ப்பு உள்ளதே என மகிழலாம்.
புது வண்டே
மறுக்காக் சொல்லிட்டேயா ??
வருகைக்கும் கருத்துக்கும் நன்றி
Post a Comment