Friday, December 10, 2010

அதுதான் முதுமையோ !

மாறும் உலகில் புதுமை !
பழமை நினைவில் நிகழ்வு !
அன்பு மனத்தில் அமைதி !
ஆற்றும் செயலில் அருமை !
பழகும் நட்பில் உறவு !
பண்பாய்ப் பழகிய பெரியோர் !
வளர்ந்து விட்ட மழலையர் !
படித்துச் சுவைத்த கருத்துகள்!
எல்லாம் நினைவில் இனிமை !
என்றும் கருத்தில் இளமை !
நிகழ்வில் மட்டும் தனிமை!
அது தான் வாழ்வில் முதுமையோ !

Wednesday, December 8, 2010

என் எழுத்து வலையில்

எழுதுவதற்கு ஏடும்
படிப்பதற்கு நூலும்
கைக்கெட்டும் இடத்தில் !

அமர்வதற்கு இருக்கை !
ஆற அமரப் பார்ப்பதற்கு
அழகான காட்சி காலதரில் !

அன்பான சிந்தனையில்
அருமையான பாட்டு
வானொலியில் !

மின் விசிறி இல்லாத மென் காற்று
மாலை நேரப் பறவையாய்
மழலையரின் வருகை !

கைப்பிடித்து ! காரில் !
பாசமுள்ள தந்தையின் தோளில் !
பார்வைப் புன்னகை !
மின்னும் விழிகள் !
வித விதமாய் உடைகள் !
பொம்மைகள் போலே
மழலையர் !

சுதந்திர உடையில்
இறகுப் பந்துகள்
இங்கும் அங்கும் துள்ள
இளமென் நடையினர் !

இவரெல்லாம் என் சிந்தையில் !
சில நேரம் என் எழுத்து வலையில் !


செல்வி சங்கர்