மதுரை சித்திரைத் திருவிழாவினை முன்னிட்டு கள்ளழகர் வைகையாற்றில் இன்று ( 09.05.2009) சனிக்கிழமை காலை 8 மணி அளவில் எழுந்தருளினார்.
------------------------------------------------------------------------------
அன்னை மீனாட்சி
அன்று வந்த
வழியெல்லாம் இன்று
அழகர் வந்தார் !
வாராரு வாராரு !
அழகர் வாராரு !
என்று
ஆடிப் பாடும்
மக்கள் ஒருபால் !
கற்பூரம் கரைகின்ற
சர்க்கரையில் மனம்
சாந்தமாய் கண்
நோக்க ! கைகூப்பும்
ம்க்கள் ஒருபால்!
விண்ணதிர மண்ணதிர
கொட்டி முழக்கி !
குரல் எழுப்பி !
கைகால் கரகமாட
கண்களிலே அழகர் !
தங்கக் குதிரை
தகதகக்க ! எங்கள்
மனம் கலகலக்க
கள்ளழகர் வாராரு !
அலை அலையாய்
மலை மலையாய்
மக்கள் வெள்ளம் !
மாடவீதி
வழி மறைக்க
மற்றுமொரு
வைகையென
வளமான
வாழ் வெள்ளம் !
வழியெல்லாம்
வானோரே
வந்ததென !
மழலை யெல்லாம்
மக்கள் தோளில் !
மன மெல்லாம்
மாலவன் தன்
மா வடிவில் !
மதுரை யெல்லாம்
மீன் விழியாள்
அருள் வெள்ளம் !
செல்வி ஷங்கர்
--------------------
Subscribe to:
Post Comments (Atom)
7 comments:
ரொம்ப வருசத்துக்கு பின்னால இந்த வருசம் அழகரோட...திருவிழாவுல...நான்..
மகிழ்வான தருணமிது..
அழகரால....மதுரையே அதிருது :D
என்ன பட்டு?
அழகர் ஊர்க்காலம்! அழகா இருக்கு!
வருகைக்கும் கருத்துக்கும் நன்றி யட்சன்
அழகர் பசுமை செழிக்க பச்சைப் பட்டுடுத்தி வந்தார் வெயிலான்
வருகைக்கு நன்றி
வருகைக்கும் கருத்துக்கும் நன்றி திகழ்மிளிர்
வாப்பா தமிழ் பிரியன் - அழகர் ஊரில் வந்தாலே அழகு தான்
Post a Comment